Raġel ta' 30 sena jinqabad bejn żewġ trailers f'Raħal Ġdid

Raġel ta’ 30 sena sofra ġrieħi serji l-Ħamis waranofsinhar, wara li nqabad bejn żewġ trailers.

Fis-2:30pm, il-Pulizija ġiet infurmata li kien hemm bżonn l-assistenza fi Triq it-Telgħa ta’ Ras Ħanżir, Raħal Ġdid.

Il-Pulizija marret immedjatament fuq il-post fejn minn stħarriġ preliminari rriżulta li raġel ta’ 30 sena minn Bormla sofra xi ġrieħi wara li spiċċa maqbud bejn żewġ trailers.

Tim mediku assista lir-raġel u ttieħed l-Isptar Mater Dei permezz t'ambulanza.

Aktar tard huwa kien iċċertifikat li sofra ġrieħi serji.

Il-Maġistrat Philip Galea Farrugia ġie infurmat bil-każ u ħatar inkjesta.

L-investigazzjonijiet tal-Pulizija għadhom għaddejjin.