Raġel fil-periklu tal-mewt wara inċident f'Ħal Qormi

Raġel jinsab fil-periklu tal-mewt wara li ttajjar fi Triq Ħal Luqa, Ħal Qormi.

L-inċident seħħ il-Ġimgħa filgħaxija, għall-ħabta tal-10:30am, bir-raġel ta’ 34 sena, mill-Mosta, jittajjar minn karozza misjuqa minn raġel ta’ 30 sena residenti Bormla.

Ir-raġel ingħata l-għajnuna minn tim mediku fuq il-post tal-inċident u ttieħed l-Isptar Mater Dei b’ambulanza, fejn ġie ċċertifikat li jinsab fil-periklu tal-mewt.

Bil-każ ġie infurmat il-Maġistrat Antoine Agius Bonniċi li ħatar inkjesta filwaqt li l-investigazzjonijiet tal-Pulizija għadhom għaddejjin.