Tifel jittajjar f'San Pawl il-Baħar

Tifel ta' 8 snin ittieħed l-isptar fejn ġie ċċertifikat li qed isofri ġrieħi gravi, wara li ntlaqat minn karozza f' San Pawl il-Baħar.

L-inċident seħħ fi Triq it-Tamar, l-Erbgħa filgħaxija, għall-ħabta tas-6pm.

Investigazzjonijiet tal-pulizija wrew li t-tifel mill-Bożnija u Ħerżegovina ntlaqat minn vettura misjuqa minn raġel ta’ 29 sena mill-Maċedonja, u residenti San Pawl il-Baħar.

iċ-ċkejken ingħata l-għajnuna minn tim mediku, u wara ttieħed l-isptar Mater Dei b’ambulanza.

L-investigazzjonijiet tal-Pulizija għadhom għaddejjin.