Armat b'sikkina, jisraq ħanut f'Ħal Balzan

Għaddejja tfittxija għal raġel li daħal armat b'sikkina f'ħanut f'Ħal Balzan, seraq numru ta' ammont ta' flus, u telaq minn fuq il-post.

Il-pulizija qalet li s-serqa seħħet kmieni l-Ħamis filgħodu. Il-persuna, li mill-ewwel indikazzjonijiet huwa raġel, daħal fil-ħanut, talab il-flus lill-kaxxiera ta' 49 sena u telaq. Ħadd ma weġġa’ f’dan il-każ.

Il-Maġistrat Philip Galea Farrugia ġie nfurmat bil-każ u qed imexxi inkjesta, waqt li l-investigazzjonijiet tal-Pulizija għadhom għaddejjin.