Bastiment jieħu n-nar f'shipyard privata fil-Marsa

Bastiment sorġut fuq il-moll waqt it-tiswija f’shipyard privata fil-Marsa ħa n-nar il-Ġimgħa filgħaxija.

Diversi persuna rraportawjaraw id-duħħan iswed minn djarhom f’Bormla, Birżebbuġa, Raħal Ġdid u l-Belt.

Kawża ta’ dan, id-Dipartiment tal-Protezzjoni Ċivili appella sabiex residenti li jgħixu qrib din it-tarzna privata u l-madwar iżommu t-twieqi tar-residenza tagħhom magħluqin sakemm ikunu kontrollati n-nirien.

Il-ħaddiema tad-Dipartiment tal-Protezzjoni Ċivili minnufih kienu fuq il-post sabiex jikkontrollaw in-nirien.

Fi stqarrija, id-Dipartiment tal-Protezzjoni Ċivili qal li ma hemmx rapporti ta’ nies midruba.

Id-Dipartiment tas-Saħħa avża biex jekk ikun hemm min jesperjenza sintomi bħal diffikultà biex jieħdu n-nifs, sogħla persistenti, jew uġigħ fis-sider, għandhom ifittxu l-attenzjoni medika immedjata.

Id-Dipartiment tal-Protezzjoni Ċivili jirrakkomanda wkoll sabiex għalissa n-nies jevitaw l-inħawi.