Raġel iweġġa' serjament wara ħabta bejn żewġ karozzi l-Mellieħa

Raġel ta' 61 sena weġġa' gravi f'inċident tat-traffiku li seħħ fit-Telgħa ta’ Selmun, il-Mellieħa.

Wara l-inċident, il-pulizija ssejħu fuq il-post fejn mill-istħarriġ tagħhom jidher li seħħet ħabta bejn ir-raġel, li kien qed isuq Volkswagen Golf, u mara ta' 44 sena, li kienet qed issuq Hyundai Tucson.

Fuq il-post issejjaħ ukoll tim mediku li ħa r-raġel l-Isptar Mater Dei permezz t'ambulanza. Hemmhekk, ir-raġel ġie ċċertifikat li weġġa' gravi.

Il-pulizija għadha qed tinvestiga l-każ.