Imut l-anzjan involut fl-isplużjoni f'garaxx fis-Swieqi l-Ħadd li għadda

L-anzjan ta' 80 sena, li l-Ħadd kien involut fi splużjoni f'garaxx fis-Swieqi miet il-Ħamis filgħodu.

L-isplużjoni kienet seħħet kaġun ta' leak minn tank tal-gass fi Triq il-Qantar għall-ħabta tas-7am.

Ir-raġel sofra ħruq kawża tan-nar li qabad, u apparti l-għajnuna immedjata li rċieva, kien ittieħed l-isptar Mater Dei għall-osservazzjoni.

Il-pulizija qalet l-Ħamis filgħodu li huwa miet l-isptar.

L-investigazzjonijiet tal-pulizija u l-inkjesta maġisterjali għadhom għaddejjin.