Anzjan irraportat nieqes jinstab mejjet l-Għadira

Anzjan li ġie rraportat nieqes mill-bajja tal-Għadira, ġie ddikjarat mejjet it-Tlieta filgħodu wara li ġie miġbur mill-baħar.

Huwa maħsub li r-raġel, ta 72 sena minn San Ġwann iżda jgħix il-Mellieħa, qabad dinghi minn Għajn iż-Żejtuna, il-Mellieħa, biex jitla’ fuq dagħjsa ikbar ankrata fil-bajja.

Helicopter tal-AFM, flimkien ma’ membru tad-Departiment tal-Protezzjoni Ċivili u l-pulizija ħadmu flimkien biex isalvaw l-anzjan.