AĠĠORNAT | Gildave Spiteri identifikat bħala l-vittma fl-inċident fiż-Żejtun

Gildave Spiteri kien identifikat bħala ż-żagħżugħ ta' 21 sena, residenti Ħaż-Żabbar, li tilef ħajtu s-Sibt filgħodu.

Il-każ seħħ għall-ħabta tat-7:45am, hekk kif il-Pulizija ġiet infurmata bl-inċident u marret minnufih fuq il-post. Minn stħarriġ preliminari, irriżulta li r-raġel kien qiegħed isuq Peugeot 206, meta tilef il-kontroll tal-vettura u baqa’ dieħel ġo parapett ta’ residenza fiż-Żejtun.

Membri mid-Dipartiment tal-Protezzjoni Ċivili kienu fuq il-post sabiex jassistu. Ġie missejjaħ tim mediku sabiex jassisti u ambulanza ħaditu l-Isptar Mater Dei għall-kura, iżda sfortunatament huwa kien iċċertifikat mejjet ftit tal-ħin wara.

Bil-każ ġie infurmat l-Maġistrat Anthony Agius Bonniċi li ħatar inkjesta, filwaqt l-investigazzjonijiet tal-Pulizija għadhom għaddejjin.