Raġel iweġġa’ gravi f’inċident bil-mutur f'Ħ'Attard

Raġel weġġa' gravi wara ħabta f'Ħ'Attard fis-sigħat bikrn tal-Ġimgħa filgħodu.

Il-Pulizija qalet li ll-Każ seħħ għall-ħabta tal-5:30am.

Minn stħarriġ preliminari irriżulta li l-inċident seħħ bejn mutur Honda misjuq minn raġel ta’ 40 sena, residenti Ħ’Attard u Toyota Yaris misjuqa minn raġel ta’ 42 sena u residenti Tas-Sliema.  

Is-sewwieq tal-mutur ingħata l-għajnuna minn tim mediku, ittieħed l-Isptar Mater Dei b’ambulanza u aktar tard, ġie ċċertifikat li weġġa’ gravi.  

L-investigazzjonijiet tal-Pulizija għadhom għaddejin.