Raġel jsofri ġrieħi gravi f’inċident tat-traffiku f’Raħal Ġdid

Raġel ta’ 30 sena minn Marsaskala ttieħed l-Isptar Mater Dei nhar is-Sibt wara nofsinhar wara inċident tat-traffiku li seħħ f’Raħal Ġdid.

Skont il-pulizija, l-inċident ġara madwar nofsinhar.

Mill-investigazzjonijiet inizjali jirriżulta li r-raġel kien qed isuq mutur tat-tip Honda Hornet meta tilef il-kontroll u waqa’.

Tim mediku mar fuq il-post sabiex jagħti l-ewwel għajnuna lir-raġel, li mbagħad ittieħed l-isptar b’ambulanza.

Ir-raġel qed isofri ġrieħi ta’ natura gravi.

L-investigazzjonijiet tal-pulizija għadhom għaddejjin.