Impjegat tal-LESA sospiż wara allegazzjonijiet ta’ korruzzjoni

Fi stqarrija, l-aġenzija kkonfermat li ġiet infurmata reċentement li wieħed mill-impjegati tagħha talab illegalment ħlas ta’ €50. Minnufih inbeda proċess ta’ investigazzjoni interna, u l-każ ġie mgħoddi lill-pulizija flimkien ma’ evidenza relatata

28 ta' Jannar 2025 17:02
minn Marianna Calleja

Impjegat tal-LESA (Local Enforcement System Agency) ġie sospiż wara allegazzjonijiet ta’ tixħim, li bħalissa qed jiġu investigati mill-pulizija.

Fi stqarrija, l-aġenzija kkonfermat li ġiet infurmata reċentement li wieħed mill-impjegati tagħha talab illegalment ħlas ta’ €50. Minnufih inbeda proċess ta’ investigazzjoni interna, u l-każ ġie mgħoddi lill-pulizija flimkien ma’ evidenza relatata.

L-impjegat inkwistjoni ġie sospiż mid-dmirijiet tiegħu sakemm jintemm l-eżitu tal-investigazzjoni.

Il-pulizija qed tkompli bl-investigazzjoni dwar il-każ.