[AĠĠORNAT] Infermiera feruta wara inċident vjolenti fl-Isptar Mater Dei

F'aġġornament mill-pulizija fl-12:34pm qalu li l-allegat aggressur ta’ 36 sena nstab, dan wara li ħarab minn fuq il-post wara inċident vjolenti li seħħ fl-Isptar Mater Dei ilbieraħ, l-20 ta’ Marzu, fis-18:45 ta’ filgħaxija, fejn ikkawża grieħi gravi lil kollega mara. 

Il-pulizija qalet li l-inċident allegatament involva infermier li attakka lill-kollega tiegħu, mara Indjana ta' 41 sena, b’ sikkina kirurġika waqt argument. Il-vittma sofriet ġrieħi gravi f’idha, u ġiet operata l-Ġimgħa kmieni filgħodu.

Ir-raġel, qiegħed jinżamm għal aktar stħarriġ u mistenni jitressaq il-Qorti fil-jiem li ġejjin.