Raġel iweġġa' sew wara li jċedi scaffolding bih f'Ħal Tarxien

Il-pulizija tissejjaħ fuq il-post fejn issib raġel ta' 45 sena mweġġa' ġo garaxx

(Ritratt: arkivji)
(Ritratt: arkivji)

Raġel spiċċa bi ġrieħi gravi hekk kif il-pulizija ssejħet għall-għajnuna fi Triq id-Dejma, Ħal Tarxien.

Wara li waslet fuq il-post, il-pulizija skopriet li raġel ta' 45 sena li joqgħod Ħal Tarxien weġġa' hekk kif ċeda bih scaffolding waqt li kien għaddej b'xi xogħlijet.

Wara l-istħarriġ tal-pulizija, issejjaħ tim mediku fuq il-post biex jagħti l-għajnuna lir-raġel u biex jitwassal l-Isptar Mater Dei sabiex jingħata l-kura meħtieġa.

Ir-raġel imbagħad ġie ċċertifikat li weġġa' serjament.

Il-pulizija għadha għaddejja bl-investigazzjonijiet tagħha.

More in Qrati u Pulizija