Ċiklist iweġġa’ gravi f’inċident f’San Ġwann

Illum filgħodu, għall-ħabta tal-10:45 ta' filgħodu seħħ inċident tat-traffiku fi Triq Tal-Balal, San Ġwann, li fih weġġa’ gravi ċiklist Taljan ta’ 33 sena.

Skont informazzjoni uffiċjali mill-Pulizija, l-inċident seħħ meta r-rota li kien qed isuq iċ-ċiklist kienet involuta f’ħabta ma’ trakk DAF misjuq minn raġel ta’ 32 sena residenti l-Mosta.

Fuq il-post issejjaħ tim mediku li ta l-ewwel għajnuna liċ-ċiklist, qabel ma ttieħed b’ambulanza lejn l-Isptar Mater Dei, fejn ġie ċċertifikat li weġġa’ gravi.

L-investigazzjonijiet tal-Pulizija għadhom għaddejjin.