Raġel arrestat b’rabta ma’ kultivazzjoni illegali tal-kannabis

Raġel ta’ 31 sena residenti Ħal Balzan ġie arrestat b’rabta ma’ kultivazzjoni illegali ta’ pjanti tal-kannabis.

Wara ġranet ta’ investigazzjonijiet u sorveljanza mill-pulizija fuq garaxx fiż-Żurrieq, il-Pulizija wettqet rejd u nstab apparat apposta għall-kultivazzjoni u aktar minn 40 pjanta tal-kannabis ta' kull daqs. Minbarra l-pjanti, il-pulizija sabet ukoll diversi oġġetti oħra relatati malkultivazzjoni illegali tal-kannabis.

Il-Maġistrat Dr Ian Farrugia LL.D kien infurmat bis-sejba u ħatar inkjesta. Filwaqt li l-investigazzjonijiet tal-Pulizija għadhom għaddejjin, ir-raġel qiegħed jinżamm arrestat u mistenni jitressaq il-Qorti dalgħodu għall-ħabta tal-ħdax (1100hrs) quddiem ilMaġistrat Dr Lara Lanfranco LL.D.