Imut vittma ta’ serqa vjolenti minn ħanut tal-ġojjellerija fl-2023

Joseph Carabott, sid ta’ ħanut tal-ġojjellerija fiż-Żejtun li ġie attakat minn ħallelien fl-2023, miet.

Joseph soffra ħsara permanenti f’moħħu wara l-attak u qatt ma reġa qam minnha. 

Qabel l-attakk, hu kien raġel fuq tiegħu li kien jilgħab it-tennis b’mod regolari u jieħu ħsieb il-ħanut tiegħu. Dan kollu sfaxxa dakinhar tal-25 t’Awwissu tal-2023 meta tliet ħallelien daħlu fil-ħanut, rabtuh, sawtuh u telqu bil-ġojjellerija u l-flus.

It-tfal tiegħu sabuh fil-ħanut, marbut u mimli demm. Huma maru jtifxuh wara li ma marx għal logħoba tennis ma’ martu. It-tifel tiegħu qal lill-qorti li l-aggresuri ħallew lil missieru fi stat “agħar mill-mewt.”

Tliet individwi ġew arrestat b’relazzjoni ma’ dan id-delitt. Waħda minnhom, Donna Sciberras, rċeviet sentenza ta’ 28 sena ħabs wara li ammetiet. Sciberras kienet diġa attentat hold-ups darbtejn oħra – fl-2015 u 2019 – fuq raġel anzjan u raġel f’wheelchair.

L-akkużati l-oħra xehdu mhux ħatja. Il-qorti għadha għaddejja bil-proċeduri.