Ritratti | Projezzjoni mill-istudenti tal-MCAST mal-faċċata tal-Palazz

Projezzjoni awdjoviżiva li saret mill-istudent tal-Istitut tal-Arti Kreattiva tal-MCAST se tkun qed issebbaħ il-faċċata tal-Palazz fi Pjazza San Ġorġ għal żmien il-Milied.

L-istudenti tat-tielet sena tal-Istitut tal-Arti Kreattiva tal-MCAST ħadmu mill-qrib mal-Valletta 2018 kif ukoll mat-tim ta’ Mad About Video. Il-protagonist huwa Pitu l-Pitirross, li jiddeċiedi li jinżel f'Malta biex jgħin fit-tiżjin.

Ritratt | Gareth Degiorgio

Il-projezzjonijiet se jsiru kull 30 minuta mit-22 sat-30 ta’ Diċembru mis-6 ta’ filgħaxija sal-11 ta’ bil-lejl. Se jkun qed isir ukoll spettaklu finali fil-31 ta’ Diċembru fl-aħħar lejl tas-sena waqt l-attivitajiet li se jsiru fil-Belt Valletta.

Ritratt | Gareth Degiorgio

Dan l-ispettaklu awdjoviżiv ġie mniedi mill-President ta’ Malta Marie-Louise Coleiro Preca flimkien maċ-Chairman tal-Valletta 2018 Jason Micallef u s-Segretarju Parlamentari Deo Debattista.