Filmat li juri tfajla adoloxxenti tiġi bbuljata u attakkata fiżikalment fil-Belt Valletta qanqal allarm fi ħdan l-Uffiċċju tal-Kummissarju għat-Tfal.
L-inċident, li seħħ qrib Ġnien Hastings fil-Belt, grupp ta’ tfajliet attakkaw lill-vittma b’daqqiet ta’ ponn u sieq waqt li kienet mimduda mal-art.
L-Uffiċċju tal-Kummissarju għat-Tfal ħareġ stqarrija nhar il-Ħamis, fejn ħeġġeġ lill-awtoritajiet biex jieħdu azzjoni immedjata biex jiżguraw li t-tfajla tirċievi l-appoġġ meħtieġ.
Barra minn hekk, l-Uffiċċju esprima tħassib dwar iċ-ċirkolazzjoni tal-filmat onlajn, l-udjenza li rat u li xxerjat il-filmat mal-midja soċjali. L-Uffiċju kompla jgħid li dan jista’ jkollu impatt negattiv kemm fuq it-tfajla, kif ukoll fuq ħaddieħor.
Il-Pulizija kkonfermaw li kienet taf dwar l-inċident u bdew l-investigazzjonijiet tagħhom.
L-Uffiċċju tal-Kummissarju għat-Tfal enfasizza l-ħtieġa li titnissel l-empatija fit-tfal u enfasizza l-importanza li jiġu mgħallma jfittxu l-għajnuna meta jiffaċċjaw sitwazzjonijiet bħal dawn.
Inċidenti simili waslu għall-attenzjoni tal-pubbliku fl-aħħar xhur hekk kif vjolenza relatata maż-żgħażagħ żdiedet.
L-attakk ħalla lill-vittma ta’ 15-il sena b’id miksurha. Il-Prim Ministru Robert Abela qal li jħossu skomdu jħalli lill-bintu waħedha fit-toroq tal-Belt filwaqt li sostna għal azzjoni legali stretta kontra dawk li jwettqu reati simili.
