Prezzijiet irħas għal Għawdex matul Jannar
Mill-weekend li ġej sal-aħħar wieħed ta' Jannar bi skema oħra biex tiġbed aktar nies lejn Għawdex
Kull nhar ta’ Sibt u Ħadd mill-weekend li ġej – id-9 u l-10 ta’ Jannar, 2016 sat-30 u 31 ta’ Jannar 2016 il-prezzijiet tal-Maltin u barranin li jixtiequ jżuru Għawdex ser jerġa jiġi mraħħas drastikament. Il-prezz ta’ passiġġier minn €4.65 ser ikun €1.20 u l-prezz ta’ vettura minn €15.70 għal €8.20. Dawn il-prezzijiet ser jidħlu fis-seħħ mill-ewwel vjaġġ tas-Sibt tas-1.30 ta’ filgħodu sal-vjaġġ tal-Ħadd tas-4.30 ta’ wara nofsinhar.
Il-Ministru Refalo qal li l-iskop tal-Ministeru għal Għawdex huwa li jkompli jiffoka fuq ix-shoulder months biex b’hekk it-turiżmu jiġi attirat matul is-sena kollha . Il-mira tal-Ministeru għal Għawdex hi li Għawdex ikun destinazzjoni turistika għal matul is-sena kollha.
Il-Ministru semma kif kull nhar ta’ Sibt u Ħadd mill-weekend li ġej – id-9 u l-10 ta’ Jannar, 2016 sat-30 u 31 ta’ Jannar 2016 il-prezzijiet tal-Maltin u barranin li jixtiequ jżuru Għawdex ser jerġa jiġi mraħħas drastikament. Huwa rrefera fost l-oħrajn li l-prezz ta’ passiġġier minn €4.65 ser ikun €1.20 u l-prezz ta’ vettura minn €15.70 għal €8.20. Dawn il-prezzijiet ser jidħlu fis-seħħ mill-ewwel vjaġġ tas-Sibt tas-1.30 ta’ filgħodu sal-vjaġġ tal-Ħadd tas-4.30 ta’ wara nofsinhar.
Joe Cordina Charmain tal-Gozo Channel qal li “Is-sena 2015 kienet sena tajba ħafna għall- Gozo Channel Co Ltd kemm f’dak illi għandu x’jaqsam ma ġarr ta’ passiggieri kif ukoll dwar ir-rizultati finanzjarji.” Huwa tenna li skemi bħal dawn ikomplu jinċentivaw aktar nies biex iżuru Għawdex fix-xhur tax-xitwa meta normalment in-negozju f’Għawdex ikun kwiet. Il-Kumpanija Gozo Channel hija kommessa li tkompli ittejjeb is-servizz li toffri. Fil-fatt hija ziedet b’mod sostanzjali il-vjaggi fl-iskeda tax-Xitwa biex tagħmila aktar faċli sew għall-Għawdxin kif ukoll għal kull min jixtieq izur lil Għawdex.
Il-Ministru għal Għawdex Anton Refalo semma kif l-inizjattiva ta’ qabel kienet suċċess. Kien għalhekk li għal darba oħra, l-Ministeru għal Għawdex nieda inizjattiva oħra li hija mmirata li tgħin lill-ekonomija Għawdxija matul l-istaġun li mhux daqstant popolari. Inizjattiva li għal darb’oħra għandha l-appoġġ tal-Gozo Business Chamber kif ukoll tal-Gozo Tourism Association.
Il-Ministeru għal Għawdex se jibqa’ jaħdem biex itejjeb il-pożizzjoni ta’ Għawdex fis-suq, bħala destinazzjoni differenti li toffri esperjenza unika f’ambjent mill-isbaħ. Huwa tenna l-impenn tal-Gvern favur Għawdex li mhux biss Gvern li jisma’, imma wkoll jaġixxi għall-ġid tal-ekonomija Għawdxija. Infatti skont cifri ppubblikati mill-Ufficju Nazzjonali tal-Istatika jikkonfermaw b’mod ċar li t-tkabbir ekonomiku fl-2014 zdied b’erba’ darbiet meta mqabbel mal-aħħar sena tal-amministazzjoni preċedenti minn 1.8% fl-2012 għal 8.1% fl-2014.
Preżenti għal din il-konferenza kien hemm iċ-Chairman tal-Gozo Channel Joe Cordina, Michael Grech f’isem il-Gozo Business Chamber kif ukoll Joe Muscat f’isem il-Gozo Tourism Association.
Din l-iskema ma tapplikax għall-vetturi kummerċjali.
Category Standard Prices Reduced Prices
Standard Passenger Fare Euro 4.65 Euro 1.20
Karta Anzjan Passenger Fare Free Free
Child Fare (3-12 years) Euro 1.15 Euro 1.15
Car + Driver Standard Fare Euro 15.70 Euro 8.20
Karta Anzjan Car + Driver Fare Euro 11.05 Euro 7.00
Standard Motorcycle & Driver fare Euro 8.15 Euro 4.70
Karta Anzjan Motorcycle & Rider Fare Euro 3.45 Euro 3.45
Bicycle Fare + Driver Euro 5.80 Euro 2.35
Passengers Special Needs Free Free
Car + Driver Special Needs Euro 11.05 Euro 7.00
