Għada kif bdiet il-fiera tal-Għadira f'Ta' Kerċem
Għat-32 sena konsekuttiva qed tiġi organizzata l-Fiera Festa ta’ l-Għadira f’Ta’ Kerċem
Huma l-ħafna Il-Maltin u l-Għawdxin li bħalissa u anke aktar tard se jagħmlu l-ħarġa tagħhom fl-ambjent sabiħ tal-Għadira ta’ San Raflu, filwaqt li jiddevertu u jirbħu rigali mill-isbaħ waqt din il-Fiera. Barra minhekk ser ikun hemm diversi attrazzjonijiet fosthom Wirja ta’ Żwiemel u kompetizzjoni kbira ta’ Sparar fuq il-Plattini li qed jittellgħu bil-kollaborazzjoni tal-Gozo Sports Board. Ser ikun hemm ukoll spazju kbir ta’ logħob għat-tfal, face painting, bejgħ ta’ pjanti, horse u pony riding, ikel u xorb, lotteriji, rebħ ta’ spot prizes, flimkien ma’ diversi logħbiet varjati.
L-attivita’ tibda minn nofs in-nhar u tibqa’ sejra sa filgħaxija. Ikun hemm parking organizzat b’xejn. Għal aktar informazzjoni tista’ ċċempel fuq 21551355/79299095 jew email fuq [email protected]
