[FILMAT] Ma marx il-Karnival u l-Karnival mar għandu

Ftit jiem ilu l-gazzetta ILLUM ħabbret li Pawlu Curmi, magħruf aħjar bħala l-Pampalun li kien se jitlef għall-ewwel darba f'66 sena l-Karnival minħabba li kien ma jiflaħx u ma setax joħroġ.

Iżda minkejja li hu ma marx il-Karnival, il-Karnival wasal għandu kif jidher fil-filmat t'hawn taħt. Il-parteċipanti, iż-żeffiena u l-karru tal-kumpanija tiegħu jidhru resqin quddiem id-dar ta' Pawlu Curmi l-Pampalun u jqattgħu ħin twil hemmhekk joffrulu ftit mill-ispettaklu tal-Karnival waqt li hu jidher ixejjer mit-tieqa ta' daru.