LUMINARIA: Ġieħ lill-wirt u lill-folklor Malti

L-Orkestra Filarmonika ta’ Malta se tippreżenta l-kunċert LUMINARIA nhar il-Ġimgħa 28 ta’ Ġunju fit-Teatru Manoel, il-Belt Valletta.

Immexxija minn Alan Chircop, l-Orkestra Filarmonika ta’ Malta tippreżenta kunċert sublimi li jiċċelebra l-istorja, il-wirt u l-folklor Malti.

Il-programm jinkludi xogħlijiet ta’ kompożituri Maltin.

Il-kunċert jibda b’ġieħ għall-mużika folklorista ta’ Charles Camilleri li tiffoka fuq iż-żfin Malti. Idur imbagħad fuq il-poeżija sinfonika evokattiva ta’ Ġgantija Suite tal-mużiċist John Galea.

Jagħmel id-dehra tiegħu wkoll il-Concierto de Aranjuezta’ Joaquin Rodrigo, bl-għajnuna tal-kitarrist Simon Schembri.

Fl-aħħar, il-kunċert jittrasporta l-udjenza fid-dinja ta’ Shakespeare, bil-melodija ta’ Felix Mendelssohn, A Midsummer Night’s Dream.