Skopri l-misteri tal-Monasteru ta’ Santa Katarina fil-Belt Valletta

Esperjenza intima u indimentikabbli ġewwa monasteru magħluq għal aktar minn 400 sena – issa miftuħ għall-pubbliku għall-ewwel darba. Il-monasteru ta’ Santa Katarina, fil-qalba tal-Belt Valletta, kien dar għas-sorijiet Agostinjani mis-seklu 17 ’il quddiem. Dawn in-nisa kienu jgħixu ġewwa l-bini tal-monasteru, ma joħorġux, u jibqgħu hemm anke wara mewthom għax jiġu midfuna fil-ħitan tal-monasteru. 

Dan it-tour speċjali u privat se jmexxik fejn għexu n-nisa, se jikxef il-verità wara l-control rooms tal-monasteru, u jieħdok fil-kripta mdawla bix-xemgħat fejn tisma’ dwar ir-ritwal tal-mewt. Se titgħallem ukoll dwar il-ħafna kurżitajiet li jinsabu f’dan il-bini antik, kif il-ħajja tal-kunvent kienet organizzata biex tkun awtosuffiċjenti matul is-sekli, u tisma’ dwar ir-rabta bejn il-pesta u l-oriġini tal-monasteru. It-tours huma limitati ħafna biex tiġi assigurata esperjenza intima. 

Il-biljetti għal din l-esperjenza huma €20 kull wieħed u jridu jinxtraw minn qabel. Kull min se jattendi għandu jiltaqa’ barra s-Suq tal-Belt. Dan it-tour huwa parti mis-serje Behind Closed Doors minn Dark Malta Tours, organizzat b’kollaborazzjoni mal-Mysterium Fidei Museum u Hidden Valletta. Titlifx din l-opportunità unika biex tiskopri l-misteri moħbija tal-monasteru ta’ Santa Katarina, u bbukkja l-biljetti tiegħek issa mis-sit ta’ Dark Malta Tours.