Dun Ang Seychell | Charles De Foucauld iddikjarat qaddis

Mulej tiegħi Ġesù, li għidt ‘Ħadd ma għandu mħabba ikbar minn dak li jagħti ħajtu għal ħbiebu’, jiena nixtieq b’qalbi kollha nagħti ħajti għalik. Dan nitlobulek b’insistenza: madanakollu mhux li rrid jien imma li trid int. Noffrilek ħajti: agħmel li ngħix u mmut kif jogħġob lilek, fik u għalik u miegħek”. 

Din l-offerta tiegħu nnifsu, San Charles de Foucauld, saret ħajja li għex fil-fidi, tama u mħabba lejn Alla u lejn għajru, u b’hekk wasal għal xebh straordinarju mal-Mulej Ġesù. 

Il-konverżjoni tiegħu fl-età ta’ tmienja u għoxrin sena timmarka profondament lil ħajtu kollha ta’ wara: skoperta ta’ l-imħabba ħanina tal-Missier, li dehret f’ibnu: imħabba ta’ Ġesù li tingħata fl-Evanġelju u fl-Ewkaristija, u twasslu b’imħabba li jixtieq jagħti ħajtu kollha lil Ġesù preżenti f’ħutu l-iżjed fqar. Iżjed tard jikteb lill-ħabib tiegħu: “Ħlejt ħajti għal dan Ġesù ta’ Nazaret, imsallab elf u disa’ mitt sena ilu; qed ngħaddi ħajti nfittex li nimitah sa fejn jista’ jkun lid-dgħufija tiegħi”. “Malli emmint li hemm Alla, fhimt li ma stajtx nagħmel ħaġa oħra ħlief li ngħix biss għalih: il-vokazzjoni reliġjuża tiegħi ...l-Evanġelju urieni li jeħtieġ niġbor kollox fl-imħabba. 

Hekk wieħed jista’ jispjega min hu l-qaddej t’Alla, verament bħala “dan il-bniedem li għamel mir-reliġjon ħaġa ta’ mħabba, lilu li l-motto tiegħu kellu jkun ‘Jesus Caritas’. 

Fizzlaj u esploratur 

Charles twieled fi Strasburgu fl-1858 f’familja nisranija ħafna. Sa fiż-żogħżija tiegħu safa mirbuħ mix-xettiċiżmu reliġjuż u mill-pożitiviżmu ta’ żmienu u tilef il-fidi. Taha għal ħajja tad-dinja kollha tgawdija u diżordni li, però ħallewh insodisfatt. Ta’ għoxrin sena laħaq fizzjal u ntbagħat l-Alġerija. Tliet snin wara ħareġ mill-armata u ntefa f’esplorazzjoni xjentifika tal-Marokk, b’riskju ta’ ħajtu. 

Il-laqgħa tiegħu mal-fidi Musulmana, it-tfittxija tiegħu tal-verita, it-tjubija u l-ħbiberija prudenti ta’ kuġintu, l-għajnuna tas-saċerdot Henri Huvelin wassluh biex jiskopri mill-ġdid il-fidi Nisranija fl-aħħar t’Ottubru 1886. Kienet konverżjoni totali u definittiva. 

L-aħħar post 

F’Marzu 1887 intlaqat f’qalbu minn frażi: “Ġesu’ tant għażel l-aħħar post li ħadd ma rnexxielu jeħodulu”. Fuq din il-linja, matul pelligrinaġġ fl-Art Imqaddsa ntebaħ mir-realiżmu kollu tal-Inkarnazzjoni u kiteb li fil-mixi tiegħu fit-triqat ta Nazaret, li minnhom għadda b-riġlejh Ġesù, mastrudaxxa fqajjar, skopra, “l-eżistenza umli u oskura tal-ħaddiem divin ta’ Nazaret, u minn dakinhar Charles beda jfittex bla heda, bl-imħabba li jqiegħed riġlejh fil-passi ta Ġesù, il-mudell uniku. 

Kien biex jimita lil dan Ġesù ta’ Nazaret li seraqlu qalbu, li daħal mat-Trappisti fl-1890. Hemm għadda seba’ snin, fejn ħeles lil qalbu minn dak kollu li kien wisq uman biex jingħata lil Alla waħdu u r-rieda tiegħu saret il-“ħaġa waħda meħtieġa, il-ħobża ta kuljum f’ħajtu. Tefa’ l-għeruq tiegħu tal-fidi, fidi tidher ukoll fil-prattika perfetta u kollha mħabba tat-tagħlim tal-Knisja, l-Għarusa ta’ Kristu,: “Rabta sħiħa mal-

Knisja li hi l-għarusa ta’ Ġesù, li fiha jgħix tabilħaqq....li jħobb bħala għarustu, rabta ma’ dak kollu li ġej minnha, l-istituzzjonijiet tagħha, ir-riti tagħha, il-ministri tagħha...rabta mal-Papa, il-Kap u rappreżentant tagħha...nitlob ħafna għall-Papa, l-intenzjonijiet tiegħu għall-Knisja. Inħobb ħafna l-Knisja li Ġesù hu l-għarus tagħha. Iktar ma wieħed iħobb iktar wieħed ikollu l-Ispirtu Santu.” 

It-tfittxija tiegħu tar-rieda ta’ Alla u x-xewqa li jgħix ħajja fqira bħal dik li lemah hu mit-triqat ta’ Nazaret, wassluh biex iħalli t-Trappisti. Mar jgħix tul erba’ snin f’Nazaret qrib il-monasteru tal-Klarissi. 

Qassis 

Kien żmien ta’ irtir, ta’ talb immarkat mill-kontemplazzjoni fit-tul u kollha mħabba u mill-meditazzjoni perseveranti tal-iskrittura. Fil-fidi hu sab il-ferħ li jgħaddi f’riġlejn it-tabernaklu sigħat twal bi nhar u bil-lejl u bix-xewqa ta’ imitazzjoni iżjed perfetta ta’ Ġesù li joffri lilu nnifsu f’sagrifiċċju, ftit ftit immaturat fih id-deċiżjoni li jsir qassis biex jirrendi preżenti fis-Sagrament Imqaddes fejn qatt ma kien. Hekk nutrit mill-mejda tal-Kelma tal-Ewkarestija wasal iżjed ‘l hemm bl-imħabba u sar Evanġelju ħaj biex ikun jista’ jixhed l-imħabba ta’ Ġesù u jsir jixbah x-xbieha tal-maħbub ħuh u Mulej fil-ħajja Ewkaristika. 

Miġbud mill-misteru ta’ l-imħabba inkarnata skopra flimkien mal-missjoni tal-Inkarnazzjoni, id-dimensjoni appostolika tal-ħajja ta’ Nazaret kif jidher fil-misteru tal-Viżitazzjoni biex bħal Marija, li tieħu lil Ġesù fis-skiet għand l-oħrajn hekk hu jwasslu għand dawk li għadhom ma jafuhx, mhux bil-kliem imma billi jħalli Nazaret u jmur Viviers fi Franza biex isir qassis. Fl-1901 hu jmur fis-Saħaza f’Beni Abbes, milqugħ minn Monsinjur Guerin prefett appostoliku tas-Saħara u bejn dawn it-tnejn tinbet ħbiberija profonda għas-servizz tal-missjoni tagħhom. 

Kontra l-jasar 

Lill-kuġina tiegħu kiteb; “Nixtieq inderri lill-abitanti kollha Insara Musulmani, Lhud li jqisuni bħala ħuhom u ħuhom universali. Jibdew iqisu dari bħala Fraternitù u jkun għalija ħlewwa.” Charles beda jiltaqa’ mal-iżjed fqar u hawn jiskopri il-monstrożità tal-jasar, li tiegħu saru vittmi diversi abitanti tal-pajjiż. Charles iġġieled bil-kliem u bil-għemil kontra l-jasar. Sa wasal biex jifdihom bi flusu. 

Il-Papa iddikjara solennement li huwa stabbilit li Charles de Foucaud, qassis djoċesan, ipprattika f’livell erojku virtuwijiet teologali tal-Fidi, Tama u Mħabba lejn Alla u lejn għajru kif ukoll virtuwijiet kardinali tal-Prudenza, tal- Ġustizzja, Temperanza, Qawwa u l-Oħrajn. 

Il-Papa ordna li joħroġ dan id-digriet.