Il-President Taljan Giuseppe Conte ħabbar li fl-Italja hemm l-ewwel żewġ każijiet aċċertati tal-coronavirus.
Iż-żewġ turisti li ġew iċċertifikati li għandhom dan il-virus huma Ċiniżi, mir-reġjun ta’ Wuhan (minn fejn inxtered il-virus) u t-tnejn li huma kienu Ruma.
Bħalissa, qed jinżammu f’iżolament fl-isptar Spallanzani.
Jidher li ż-żewġ turisti għandhom kundizzjoni ta’ saħħa tajba u għalhekk hemm ċans kbir li dawn ifiequ.
Intant, kompla jħabbar il-Prim Ministru Conte, il-Gvern Taljan issospenda t-titjiriet kollha minn u lejn iċ-Ċina.
Iż-żewġ turisti, li għandhom 67 u 66 sena kienu qed joqogħdu fi Grand Hotel Palatino f’Via Cavour u kienu ilhom l-Italja tmint ijiem.
Jidher li Ruma ma kinitx l-ewwel destinazzjoni tagħhom u qabel żaru xi postijiet oħra, inkluż Miran.
Huma kienu parti minn tour. Fil-fatt, il-bqija tat-turisti li kienu fil-grupp magħhom ma tħallewx ikomplu bil-ġita tagħhom u bħalissa qed isiru wkoll xi testijiet fuqhom.
X’inhu l-coronavirus?
Il-coronavirus oriġina f’Wuhan fiċ-Ċina u qed ikun imlaqqam bħala “kuġin” tas-SARS, virus ieħor mill-istess familja.
Jidher li dan il-virus oriġina minn suq li jbigħ annimali selvaġġi ħajjin jew li jkunu għadhom kemm inqatlu, fosthom għasafar, fniek, friefet il-lejl u sriep.
Il-coronaviruses jgħaddu mill-annimali għall-bniedem, tant li l-ewwel nies ifettati kienu l-bejjiegħa stess.
Kemm hu komuni?
Għalkemm l-ewwel analiżi ssuġġeriet li l-virus kien simili għal dak komuni fis-sriep, issa jidher li huwa aktar simili għal dak komuni fil-friefet il-lejl.
B’kollox hemm 5,974 każ ikkonfermat u 9,329 każ ieħor li qed ikun suspettat li huwa coronavirus.
S’issa, madwar 132 persuna tilfu ħajjithom u apparti ċ-Ċina, kien hemm xi ftit każi oħra f’16-il pajjiż ieħor.
Aqra aktar hawn dwar il-prekawzjonijiet li ttieħdu f'Malta.
.jpg)
.png)
