Il-pont Francis Scott Key fil-belt Amerikana ta’ Baltimore ġġarraf wara li vapur ħabat fih, qalet l-Awtorità tat-Trasport ta’ Maryland kmieni t-Tlieta.
L-MTA ħeġġet lis-sewwieqa biex jevitaw ir-rotta fuq ix-Xmara Patapsco, li sejħet bħala “xena attiva”.
Aktar qabel, l-MTA kienet qalet li l-interstate lanes fiż-żewġ direzzjonijiet kienu magħluqa minħabba “inċident” fuq il-pont u li t-traffiku kien qed jiġi dirett għal żoni oħra.
Kelliem għall-pulizija mid-Dipartiment tal-Pulizija ta’ Baltimore qal li possibbli illi xi nies kienu fix-xmara.
"Nista 'nikkonferma fis-1:35am, il-pulizija tal-Belt ta' Baltimore ġew notifikati b'kollass parzjali ta 'pont, b'ħaddiema possibbilment fl-ilma, fil-Pont Francis Scott Key," qal id-Ditektif Niki Fennoy fi stqarrija.
Ftit sigħat wara, id-Dipartiment Ċivili ta' Baltimore, ikkonferma illi minn tal-inqas 20 ruħ kienu fl-ilma, flimkien ma numru ta' vetturi.
Fl-istess waqt il-Gvernatur Wes Moore ddikjara stat ta’ emerġenza f’Maryland. Moore qal li tim ta' aġenziji qed jaħdmu fl-operazzjoni ta' salvataġġ, inkluż uffiċċjali tal-FBI, u uffiċjali mill-Aġenzija għall-Alkoħol, Tabakk, Armi tan-Nar, u Splussivi
Dak li nafu sa issa:
L-awtoritajiet għadhom ma jafu x'ikkawża dan l-inċident, iżda minn traċċar ta' informazzjoni jafu illi l-vapur tal-kontejners telaq mit-Terminal Seagirt f' Baltimore għall-ħabta tas-00:24 (04:24 GMT) fis-26 ta’ Marzu.
Il-veloċità tal-vapur żdiedet b'mod kostanti u żammet rotta dritta lejn ix-Xlokk tul ix-Xmara Patapsco.
Imbagħad f'01:25 id-Data MarineTraffic turi li l-vapur f'daqqa waħda ddevja mill-korsa dritta tiegħu u beda jonqos fil-veloċità.
Madwar l-istess ħin, filmat juri li d-dwal kollha fuq in-naħa ta’ barra tal-vapur tfew f’daqqa u d-duħħan beda joħroġ mill-lembut tal-vapur.
Il-Dali laqat f'daqqa porzjon tal-pont fis-01:28am, Kien dan li wassal biex il-pont jikkrolla.
.jpg)
.png)
