Għall-ħabta tal-10 ta' dalgħodu, fil-Kwartieri tal-Gwardjani Lokali f'San Gwann, ġie rrappurtat ħruġ ta' gass, li effetwa numru ta' impjegati li kienu fil-binja.
Il-Pulizija, flimkien mat-taqsima tal-'HAZMAT' tad-Dipartiment tal-Protezzjoni Ċivili, marru fuq il-post, fejn l-uffiċċjali tas-CPD naddfu l-arja fil-lokal li aktar tard ġie stabbilit li kienet esposta għal ħruġ ta' gass mis-sistema tal-arja kundizzjonata.
Seba' impjegati mill-uffiċċju ttieħdu l-isptar għal kura permezz ta' ambulanza. Ħadd minnhom ma jinsab f'kundizzjoni gravi, iżda qegħdin jieħdu trattament għall-gassijiet li ġew esposti għalihom.
