Splużjoni ġo dar fis-Swieqi; Anzjana l-isptar

Anzjana ta’ 69 sena sofriet ġrieħi fravi wara splużjoni f’dar fis-Swieqi.

L-isplużjoni nstemgħet għall-ħabta tat-8:15am, fi Triq is-Siegħ.

Il-Pulizija u anke l-Protezzjoni Ċivili ssejħu fuq il-post minnufih, bil-mara tittieħed Mater Dei minħabba l-ġrieħi li ġarrbet.

Intant, il-kawża tal-isplużjoni għadha mhijiex magħrufa u l-Pulizija għadha qed tinvestiga l-każ.