Ħabta fiż-Żejtun tħalli raġel li kien qed isuq mutur imweġġa' gravi

Ilbieraħ, għal xi s-5:45 p.m il-Pulizija ġiet infurmata b’inċident tat-traffiku fi Triq Ta’ Għar Dalam, iż-Żejtun.

Il-Pulizija marret immedjatament fuq il-post u mill-ewwel investigazzjonijiet irriżulta li seħħet ħabta bejn Toyota Passo misjuqa minn mara ta’ 27 sena, residenti r-Rabat u mutur Yamaha li kien qed jinstaq minn raġel ta’ 30 sena residenti Marsaskala.

Tim mediku ta l-assistenza u ambulanza ħadet lir-raġel l-Isptar Mater Dei għal kura. Aktar tard, huwa ġie ċċertifikat li weġġa’ gravi.

L-investigazzjonijiet tal-Pulizija għadhom għaddejjin.