Ħadd ma weġġa' waqt serqa f'ħanut ġewwa Birkirkara

Illum għall-ħabta tan-12:30p.m. il-Pulizija ġiet infurmata li kienet seħħet serqa minn ħanut fi Triq il-Ħerba, Birkirkara.

Il-Pulizija marret fuq il-post u minn stħarriġ preliminari jidher li persuna, allegatament armata b'sikkina, daħlet fil-ħanut u talbet il-flus lill-kaxxier. 

Il-persuna ħarbet minn fuq il-post wara li serqet ammont ta' flus kontanti. 

Intant, ħadd ma weġġa' u l-Pulizija għadejja bit-tfittxija għall-ħalliel.