Żewġ turisti Maltin fil-periklu tal-mewt wara ħabta fi Sqallija

Żewġ sewwieqa tal-muturi Maltin weġġgħu serjament f'ħabta ma' karozza fi triq bejn Ragusa u Modica fi Sqallija.

Ġurnali Taljani rrapportaw li l-inċident seħħ il-Ħadd għall-ħabta tal-5pm.

Iż-żewġ turisti Maltin kienu involuti f'inċident ma' karozza misjuqa minn raġel ta' 57 sena minn Modica stess.

Huma ġew trasferiti lejn l-isptar Giovanni Paolo II f’Ragusa. Is-sewwieq tal-karozza ttieħed ukoll l-isptar wara li ġie ċċertifikat li weġġa’ gravi.

Il-Pulizija tad-distrett qed twettaq investigazzjoni.