Arrestat it-tieni suspettat tal-attakk bomba f'Bangkok

Il-Pulizija Tajlandiża għadha kemm arrestat it-tieni suspettat fil-każ tal-attakk bomba f'Bangkok fit-Tajlandja. Għalkemm s'issa għad m'hemm ebda informazzjoni dwar in-nazzjonalita' jew l-isem tal-persuna fit-tfittxija li għamlu l-Pulizija sabu li fejn kien qed joqgħod is-suspettat f'Nong Jok kien hemm splussivi illegali, materjali li minnhom isiru l-bombi u passaporti foloz. Dan kien it-tieni arrest wara dak ta' persuna oħra dwar l-attakk fit-Tempju Erawan li ħalla 20 mejta.