Rotta ġdida għar-refuġjati minn dalgħodu: Mill-Kroazja

Ftit siegħat wara li l-Ungerija daħħlet kontrolli iebsin għall-fruntieri tagħha siti tal-aħbarijiet internazzjonali qed jirraportaw kif għadhom kif waslu l-ewwel grupp ta' immigranti mal-fruntiera tal-kroazja. Is-sit BBC irraporta kif dan il-grupp vjaġġa permezz ta' xarabank  lejn in-naħa t'isfel tas-Serbja minn fejn resqu lejn il-fruntiera tal-Kroazja. Minn naħa tiegħu l-Gvern Kroat diġa għamilha ċara illi pajjiżu mhux se jħalli persuni "sempliċiment jgħaddu mill-Kroazja".

Intant bosta analisti politiċi qed jibżgħu illi s-Serbja, li s'issa dejjem kellha attitudni iktar "rilassata" lejn l-immigranti tista tibda tħoss ċerta pressjoni hekk kif bil-kontrolli stretti u azzjonijiet legali li qed tieħu l-Ungerija, il-popolazzjoni ta' refuġjati jistennew fis-Serbja bit-tama li jmorru l-Ġermanja se jkun qed jikber ħafna.