Busuttil: 'Il-Gvern ħela tliet snin fuq il-proġett tal-mina bejn Malta u Għawdex'

Filwaqt illi akkuża lill-Gvern illi m'għandu l-ebda pjan għat-traffiku f'pajjiżna l-Kap tal-PN ħabbar illi Marthese Portelli u Tonio Fenech se jkunu qed iħejju pjan biex jitnaqqas it-traffiku u biex "ikun jaqbillek tħalli l-karozza d-dar". 

Dwar il-proġett tal-mina, illi dwaru il-ġurnal l-ILLUM tal-Ħadd li għadda żvela d-deċiżjoni aħħarija tal-Gvern favuru, il-Kap tal-Oppożizzjoni qal illi l-Gvern ħela tliett snin għax l-ewwel mar għal studju fuq pont biex issa xorta se jmur għall-mina. Busuttil fakkar illi l-proġett ta' mina kien propost minn Gvern Nazzjonalista, tant li hemm rapport li kien mħejji fl-2012