Hekk kif ħafna qed jitkellmu dwar in-nuqqas ta' valur nutrittiv tal-laħam proċessat, fosthom dak tal-bacon, is-sorpriżi qatt ma jieqfu hekk kif fuq is-sit tal-Għaqda Patrijotti Maltin ittella' post b'ritratt tal-bacon u messaġġ taħtu li jimplika illi dan l-għagħa kollu dwar kemm m'għandniex nieklu bacon huwa kważi "kumplott" mill-Musulmani biex, skont l-istess messaġġ, "jġibuna bħalhom".
L-ironija trid iżda li fil-fatt dan il-messaġġ, oriġinarjament, ittella mill-paġna ta' Facebook Malta Diżastru Totali biex jgħaddi ż-żmien b'dawk li huma kontra l-Musulmani u l-Għaqda Patrijotti Maltin. Minkejja s-sarkażmu u minkejja li Malta Diżastru Totali ttistaqsi jekk il-ħsieb jirriflettix injoranza grassa "iktar mill-bacon", numru ta' membri tal-Għaqda Patrijotti Maltin fil-fatt emmnu din iċ-ċajta u bdew jirreaġixxu, ħafna drabi b'mod iżlamofobiku.
Taħt ir-ritratt, li persuna kkjupjat fuq is-sit tal-Patrijotti, kien hemm bosta kummenti fosthom ta' persuna li qalet li "dawn (il-Musulmani) ma jieklux ħnieżer bħalhom" filwaqt li persuna oħra staqsiet kemm ħallsu l-persuni b'din ir-reliġjon biex inħareġ dan ir-rapport. Intant persuna oħra saħnasitra tefgħet ritratt ta' strixxi ta' bacon li flimkien iffurmaw il-kelma Allah.
L-
