Il-Parlament Ġermaniż ivvota biex isir intervent fis-Sirja, kontra l-militanti tal-Istat Iżlamiku.
B’hekk il-gvern Ġermaniż issa approva l-appoġġ fil-koalizzjoni kontra l-grupp terroristiku.
Il-Membri Parlamentari Ġermaniżi għażlu, b’445 vot favur, biex jassistu l-Istati Uniti fil-ġlieda kontra l-ISIS.
Il-pajjiż se jkun qed joffri appoġġ permezz ta’ ajruplani militari tornado, vapuri u mal-1,200 suldat li jintbgħatu fir-reġjun.
Il-vot wasal wara t-talba ta’ Franza li għamlet fi żmien l-attakk f’Pariġi. Il-Ministri issa qed jinsistu li l-Ġermanja tinsab fil-mira tal-Istat Iżlamiku.
Il-Ħamis li għadda, ajruplani militari tar-Renju Unit wettqu l-ewwel attakk mill-ajru fis-Sirja. Dan wara li l-Parlament Ingliż kien awtorizza l-operazzjonijiet militari.
L-inizjattiva Ġermaniża se tiswa €134 miljun.
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
