70,000 persuna jiċċelebraw il-bidu tal-2016 fil-Belt Valletta

L-iktar li qatt attendew nies għaċ-ċelebrazzjoni uffiċjali organizzata mill-Fondazzjoni Valletta 2018

Folol kbar qabżu t-tbassir ta’ attendenza għaċ-ċelebrazzjonijiet tal-aħħar tas-sena organizzati minn Fondazzjoni Valletta 2018 meta iktar minn 70,000 ruħ irrispondew għall-invit biex jilqgħu s-sena l-ġdida fi Pjazza San Ġorġ.

Il-folol baqgħu sejrin sa Triq ir-Repubblika, Triq il-Merkanti u toroq oħrajn fil-kapitali Maltija. In-nies setgħu jgawdu bla ħlas spettaklu ppreżentat mill-Orkestra Filarmonika Maltija u kantanti oħrajn li ħejjew serata unika ta’ divertiment.

Il-Gvern jirringrazzja lill-awtoritajiet kollha u lill-organizzaturi kollha biex din l-attività nazzjonali setgħet timxi b’mod tajjeb ħafna.

L-attività kienet sforz kollaborattiv bejn il-Ministeru għall-Ġustizzja, Kultura u Gvern Lokali, il-Ministeru għat-Turiżmu u Fondazzjoni Valletta 2018.

 

More in Politika