Il-Malta Developers Association (MDA) tinnota l-passi li ttieħdu mill-Gvern fid-dawl tar-rapport tal-Awditur Ġenerali dwar l-esproprijazzjoni ta’ sehem minn proprjetà fi Triq Zekka, il-Belt, Valletta.
L-MDA tilqa’ bl-aktar mod pożittiv id-deċiżjoni tal-Prim Ministru li ssir riforma mill-qiegħ tad-Dipartiment tal-Artijiet u l-Proprjetajiet tal-Gvern billi titwaqqaf Awtorità li tmexxi dan is-settur importanti fl-amministrazzjoni tal-pajjiż. L-MDA tfakkar li ilha ħafna snin tinsisti li kien hemm bżonn riforma f’dan id-Dipartiment.
L-MDA tħoss li, anki jekk ħa wisq żmien biex kien konkluż, bir-rapport tal-Awditur dwar dan il-kaz u l-konsegwenzi inevitabbli tiegħu, issaħħet id-demokrazija ta’ pajjiżna fejn tidħol trasparenza u kontabilità u tispera li dan il-każ iservi ta’ lezzjoni għal kulħadd li f’dan il-pajjiż mhemmx lok għal abbużi fit-tmexxija tiegħu u li min jabbuża ma jistax jeħlisha lixxa.
