Il-Kunsill Lokali ta’ Marsaskala ħareġ kontra l-iżvilupp ta’ proġett agrituristiku propost fl-ODZ tal-Munxar. Is-Sindku ta’ Marsaskala qal li l-Munxar, sit li hu barra mill-iżvilupp (ODZ), m’għandux jiġi żvluppat.
L-istess sindku kien ħareġ favur il-bini f’ODZ oħra fiż-Żonqor, f’Wied il-Għajn ukoll.
Numru ta’ għaqdiet ambjentali ukoll esprimew ruħhom kontra dan l-iżvilupp fil-Munxar ta’ Wied il-Għajn. Dawn l-għaqdiet baqgħu konsistenti għax huma kienu opponew b’mod qawwi l-iżvilupp fiż-Żonqor fuq art ODZ, imma ma nistawx ngħidu l-istess għall-Kunsill Lokali ta’ Marsaskala.
Wieħed jista’ jistaqsi għalfejn il-posizzjoni differenti tal-Kunsill Lokali ta’ Wied il-Għajn dwar siti li huma t-tnejn żoni ODZ. Wara li ħa din il-posizzjoni kontra żvilupp f’sit ODZ, il-kunsill jikkonsidra jibdel il-posizzjoni dwar l-iżvilupp propost fuq ODZ oħra fiż-Żonqor?
