Konrad Mizzi elett b'96% tal-voti tad-Delegati Laburisti

Il-maġġoranza qawwija tad-Delegati Laburisti vvutaw favur li Konrad Mizzi jsir id-Deputat Mexxej tal-Partit Laburista. B'kollox ivvutaw 704 delegat minn total ta' 739. Minn dawn 96.6% ivvutaw għal Mizzi, f'taqbida li kienet tinvolvi lilu nnifsu biss. B'kollox kienu 672 delegati li vvutw favur Konrad Mizzi.

Minkejja li kien qed jibgħad li numru ta' Delegati jistgħu jastjenu biex juru d-diżillużjoni tagħhom lejn il-partit, dan fil-fatt ġara fuq skala żgħira ħafna. 

Konrad Mizzi qed ikun elett Deputat Mexxej ġdid fiż-żmien meta l-partit qed jaffaċċja problemi b'Laburisti diżullużi u rrabjati għall-partit li dejjem appoġġjaw. Fil-fatt, kif kienet irraportat il-gazzetta ILLUM din se tkun fost l-ewwel sfidi ta' Mizzi biex jerġa jwassal lill-partit għat-tieni rebħa elettorali.