Ira Losco diġà mal-pajjiżi fil-quċċata għall-Eurovision ... skont l-imħatri

l-ewwel sinjali huma pożittivi għal diska li lanqas biss għandna smajna hekk kif Walk on Water qed tikklassifika fis-7 post minn 43 pajjiż

16 ta' Marzu 2016 19:18
minn Albert Gauci Cunningham

Ira losco

Minkejja l-kritika ħarxa ta' bosta Maltin dwar il-bidla fid-diska ta' Ira Losco, l-ewwel riżultati għal Malta u għal Ira Losco huma mill-aktar pożittivi. Fil-fatt skont diversi kumpaniji tal-imħatri Malta s'issa qed tikklassifika fis-seba' post minn 43 pajjiż bid-diska Walk on Water. Diska li s'issa l-Maltin għadhom ma semgħuhiex.

S'issa l-akbar kompetituri ta' Malta u ta' Ira huma r-Russja, Franza, Latvja, l-Awstralja u l-Ukrajna.