'Daqt naqbżu lil Joseph Muscat'

Meta kien qed jitkellem waqt il-programm DISSETT il-Kap tal-Partit Nazzjonalista Simon Busuttil qal li hu ma bediex it-tellieqa maġenb Joseph Muscat. Busuttil qal li beda t-tellieqa tant wara Muscat li "ma kontx qed narah." Hu kompla jgħid "illum qed narah u daqt naqbżu". 

Busuttil sostna li hu u l-PN kuntent bl-aħħar riżultati tal-istħarriġ, fosthom tal-Maltatoday. Fl-istess programm Busuttil tkellem fit-tul dwar il-każ ta' Konrad Mizzi, u staqsa għalfejn il-Kummissarju tal-Pulizija għadu ma bediex jinvestiga.