Il-Birdlife jikkunsidraw li jorganizzaw referendum ieħor dwar il-kaċċa

Minkejja li lanqas għadha għaddiet sena minn meta kien organizzat ir-referendum dwar il-kaċċa fir-rebbiegħa, waqt konferenza dalgħodu, kelliema tal-għaqda Birdlife qalet li tikkunsidra li taħdem biex isir it-tieni referendum dwar il-kaċċa fir-rebbiegħa, jekk il-Gvern ma jabolixxix din il-prattika. 

"Aħna ċerti li l-kaċċa fir-Rebbiegħa se tkun qed tinqata' fil-futur," qal il-Kap Eżekuttiv ta' Birdlife Mark Sultana quddiem Kastilja. "Tista' tispiċċa bħala konsegwenza li n-numri ta' gamiem qed jonqos drastikament jew inkella b'riżultat li l-Kummissjoni Ewropea tieħu azzjoni kontra din id-deroga. Dawn it-tnejn huma xenarji negattivi, li ninkoraġġixxu li l-Gvern għandu jżomm 'il bogħod mill-pajjiż."