Robert Musumeci: 'Moviment ma jiprovax ikisser lil min ma jaqbilx miegħu'

Il-Perit Robert Musumeci li riċentement kien intervistat mill-gazzetta ILLUM ftit ġimgħat ilu ħalla tweet illi fih ireaġixxa għal storja li dehret illum fuq l-istess ġurnal fil-paġna ta' wara . F'din l-istorja Franco Mercieca jkun l-ewwel MP Laburista li pubblikament joħroġ għonqu għall-eks MP Laburista Marlene Farrugia u jgħid li din "mxiet ta' mara".

Musumeci dissident tal-PN u persuna li mexa qrib il-PL f'dawn l-aħħar snin approva l-kumment ta' Mercieca u qal li "meta hemm dissent trid tibqa' turi rispett. Mhux tkissru/ha bil-bloggs."

Intant jidher illi f'dawn l-aħħar jiem komplew laqgħat bejn Farrugia u diversi persuni oħrajn biex ikun inkoraġġit aħjar il-ħolqien tat-tielet partit. Marlene Farrugia u Salvu Mallia ltaqgħu fi tmiem il-ħimgħa li għaddiet u wara din il-laqgħa saru bosta oħrajn li qed iqabbdu momentum tajjeb għall-ħolqien tat-tielet partit f'pajjiżna.