[Aġġornat 2 ] It-terroristi tal-IS jiċċelebraw: 'Il-kbir għadu ġej'

Is-sit tal-aħbarijiet CNN irraporta li t-terroristi tal-Istat Iżlamiku (IS) iċċelebraw dak li ġara llum fi Brussell. L-attakk f'din il-belt ħalla mill-inqas 35 persuna mejta. Is-sit CNN irrapporta li l-IS iċċelebraw dan l-attakk u widdbu li l-kbir għadu ġej.

Is-CNN ma kienx l-uniku sit li rraporta kif dan il-grupp ta' terroristi qed jiċċelebraw. It-titlu jgħid li filwaqt li ħadd għadu ma ħa responsabbiltà tal-attakk, membri tal-Isis jinsabu daħkana ('We are smiling - isis celebrates Brussels deadly blasts). Anke s-sit tal-aħbarijiet tan-New York Post irraportat kif membri tal-IS iċċelebraw l-attakk faħxi u qattiel fi Brussel illum.

Intant ftit minuti ilu fuq Skynews ntqal illi l-Istat Iżlamiku ħa responsabbiltà tal-attakki fi Brussell.

Intant fl-aħħar ħinijiet il-President Amerikan Obama tkellem dwar dawn l-attakki mill-Kuba u fakkar li d-dinja kollha trid tingħaqad kontra dan l-għadu komuni.