[Filmat] 'Li jmiss se tkun l-aħħar elezzjoni ġenerali tiegħi'
Cardona jgħid li d-Delegati jarawh bħala bniedem li jista jkun aktar ta' tarka għalihom miż-żewġ kandidati l-oħrajn għall-kariga ta' Deputat Mexxej tal-PL
minn Albert Gauci Cunningham
F’intervista li dehret il-Ħadd li għadda fuq il-gazzetta ILLUM il-Ministru Chris Cardona żvela kif li jmiss se tkun l-aħħar elezzjoni ġenerali li se jikkontesta. Meta kien mistoqi għalfejn wasal għal din id-deċiżjoni Cardona qal li 20 sena fil-Parlament kienu biżżejjed u li hu ma jridx jibqa ggranfat mas-siġġu tal-poter.
“Għandi 43 sena u din se tkun l-aħħar elezzjoni tiegħi, għax ma rridx nibqa’ kkakmat mas-siġġu tal-poter u lanqas irrid ngħaddi l-poter lil ħija, jew lill-kuġin jew lil xi ħadd fil-familja. 25 sena fil-Parlament huma biżżejjed.”
Intant l-illum.com.mt qed tippublika l-aħħar miż-żewġ filmati tal-intervista li saret ma’ Cardona. Hu jgħid li lilu d-delegati jarawh bħala “aktar aggressiv” u li joħroġ għonqu aktar għalihom.
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
