Kważi 2,000 persuna inqas bla xogħol f'sena waħda

Il-qgħad f'April ta' din is-sena kien ilaħħaq it-3,751 ... fost l-inqas fl-aħħar snin

20 ta' Mejju 2016 11:48
minn Albert Gauci Cunningham

Ir-rata tal-qgħad baqgħet nieżla u f'April li għadda kien ilaħħaq it-3,571 li apparti illi hija fost l-inqas rata ta' qgħad fl-aħħar snin hija wkoll 1,817 inqas mill-istess xahar is-sena ta' qabel. Il-qgħad naqas b'1,735 ta' dawk li jirreġistraw fl-ewwel parti tar-reġistru u 82 ta' dawk li jirreġistraw fit-tieni parti tar-reġistru.

Il-qgħad naqas fost kull settur tal-poplazzjoni, anke fost il-persuni b'diżabilita' fejn dan naqas b'61 persuna biex issa jlaħħaq it-358 persuna.