Neħħewh minn quddiem il-Parlament...illum iriduh ħdejn il-Parlament

Il-Partit Nazzjonalista, li meta l-Gvern neħħa l-monument tas-Sette Giugno minn ħdejn il-Parlament u wara żmien iggarxxjat poġġieh f'Hastings, biex seta’ jsir it-tisbiħ ta’ Pjazza San Ġorġ, illum qed jipproponi li l-istess monument jitpoġġa quddiem il-Parlament. Fi stqarrija l-PN qal li qed jieħu din il-pożizzjoni “għax jemmen li biex tkun rispettata l-istorja ta’ dan il-Monument, il-post addattat għalih huwa viċin l-aktar istituzzjoni għolja ta’ dan il-pajjiż.

Il-Partit Nazzjonalista jappella biex dan isir b’rispett sħiħ għad-dehra tal-proġett tad-daħla tal-Belt Valletta u l-ispazju tal-madwar, fosthom l-ispazju kreattiv u Pjazza Teatru Rjal.