Diskussjonijiet maratona jwasslu għal żblokk fl-Emerġenza

...l-MUMN se twaqqaf l-azzjonijiet industrijali li bdiet jumejn ilu

3 t'Ottubru 2016 19:02
minn Albert Gauci Cunningham

Il-Malta Union of Midwives & Nurses (MUMN) twaqqaf l-azzjonijiet industrijali

Diskussjonijiet maratona waslu biex kien hemm żblokk fil-kwistjoni fl-Emerġenza tal-Isptar Mater Dei wara azzjonijiet mill-Malta Union of Midwives and Nurses (MUMN). Ħabbar dan il-Ministru tas-Saħħa Chris Fearne ftit tal-mumenti ilu, li saħaq ukoll illi wara diskussjonijiet maratona l-MUMN se twaqqaf id-direttivi.

L-MUMN bdiet it-tali direttivi jumejn ilu minħabba dak li ddeskriviet bħala nuqqas ta' infermieri b'esperjenza twila fl-Emerġenza.